Պահոց

Archive for 2011թ Հունվարի

Եգիպտոսի ընդդիմությունը չի հավատում իշխանությունների ծրագրին

Եգիպտոսի փոխնախագահ Օմար Սուլեյմանը երկրի նախագահին առաջարկել է տիրող ճգնաժամից դուրս գալու ծրագիր, համաձայն որի վերջինս Մուբարաքին առաջարկում է հրաժարական տալ, ինչպես նաև ապագա խորհրդարանում չներգրավել գործարարներին, իրականացնել սահմանադրական բարեփոխումներ և տեղափոխություններ կատարել իշխող Ազգային Դեմոկրատական կուսակցության շարքերում: Այս մասին հաղորդում է Ռիա Նովոստի գործակալությունը:

Դեռևս հայտնի չէ Մուբարաքի արձագանքը այս առաջարկի վերաբերյալ: Հիշեցնենք, որ Եգիպտոսի նախագահը Սուլեյմանին փոխնախագահի պաշտոնում է նշանակել շաբաթ օրը:

Այնումամենայնիվ, Եգիպտոսի ընդդիմությունը, որը գլխավորում է Մոհամեդ Էլ Բարադեյը չի հավատում նման ծրագրին: Կահիրեի Թահրիր հրապարակում հավաքված ցուցարարները նշում են, որ սա Մուբարաքի և Սուլեյմանի միջև նախապես պայմանավորված ծրագիր է, որը նպատակ է հետապնդում փոխել մարդկանց, բայց ոչ համակարգը:

Այսօր Եգիպտոսի կենտրոնում հավաքված 250000-անոց ամբոխը վանկարկում էր՝ «Ոչ՝ համակարգին, այո՝ ժողովրդավարական ընտրություններին»:

Հիշեցնենք, որ Եգիպտոսի ընդդիմությունը կոչ է արել վաղը բոլոր ցուցարարներին միաժամանակ դուրս գալ փողոց: «Ապրիլի 6»-ի ընդդիմադիր շարժումը նախատեսում է մեկ միլիոնից ավելի մարդկանց փողոց դուրս բերել:

Ինչպես նշում է «Ալ Ջազիրան», Եգիպտոսի բանակի ղեկավարությունն այդ կապակցությամբ հատուկ հայտարարությամբ է հանդես եկել՝ նշելով, որ վաղը չի պատրաստվում ուժ կիրառել ցուցարարների նկատմամբ:

http://www.epress.am

ՀՀ դատախազությունում խոստացել են…

Այսօր Երևանի Դատախազության շենքի առջև ակցիա էր իրականացնում «Ընդդեմ կանանց նկատմամբ բռնության» կոալիցիան, որը հետամուտ է աշնանը Մասիս քաղաքում ամուսնու և սկեսրոջ կողմից ծեծի ենթարկված Զարուհի Պետրոսյանի մահվան դեպքի քննությանը և խթանում է գործի թափանցիկության ապահովումը:

Այսօրվա ակցիայի կազմակերպիչները կոչ էին անում պատկան մարմիններին հետևողական լինել գործի քննության ժամանակ:

«Նախաքննությունն արդեն ավարտված է, մենք կապի մեջ ենք փաստաբանի հետ, այս ամիս արդեն կսկվի հետաքննությունը: Կարծում եմ` նման հետևողականությունը նախադեպ կլինի մյուսների համար, որպեսզի հետ կանգնեն բռնություն կիրառելուց»,- լրագրողների հետ զրույցում ասել է Կանանց իրավունքների կենտրոնի տնօրեն Սուսաննա Վարդանյանը:

Նշենք, որ ակցիայի մեկնարկից մի քանի րոպե առաջ դատախազության աշխատակիցները դուրս են եկել և ներս հրավիրել երկու ներկայացուցչի` Կանանց ռեսուրսային կենտրոնի տնօրեն Լարա Ահարոնյանին և «Զանգակատուն» բարեգործական հասարակական կազմակերպության տնօրեն Կարինե Գրիգորյանին: Մոտ կես ժամ անցկացնելով դատախազության շենքի ներսում` տնօրենները դուրս եկան: Epress.am-ի հետ զրույցում նրանք հայտնեցին, որ իրենց ուղղակի հրավիրել էին, որպեսզի իրենց մտահոգություններն իմանան:

«Մենք լրիվ ներկայացրինք մեր մտահոգությունները, և իրենք ասեցին, որ կհետևեն»,- մեզ հետ զրույցում ասել է Լարա Ահարոնյանը:

«Մեզ շատ ընկալումով ընդունեցին և ասացին, որ անպայման կհետևեն խնդրին: Մենք վստահում ենք իրենց»,- հավելել է Կարինե Գրիգորյանը:

http://www.epress.am

Հայաստանը 2010 թ. ներմուծել է 4,1 մլն հատ ձու

Հայաստանը 2010 թ. ներմուծել է 4,1 մլն հատ ձու, որից 4 մլն-ը ներկրվել է չորրորդ եռամսյակում, ավելի ճիշտ՝ դեկտեմբերին, երբ շուկայում առաջացավ ձվի դեֆիցիտ։

Այս մասին NEWS.am-ը տեղեկանում է Ազգային վիճակագրական ծառայության այսօր՝ հունվարի 31-ին հրապարակած հաղորդագրությունից:

Սակայն նույնիսկ այդ մեծ խմբաքանակի ներկրումը իրավիճակն էապես չի փոխել՝ ձվի դեֆիցիտը վերացավ միայն Ամանորից հետո։ Նշենք նաեւ, որ 2009 թ. Հայաստանը ներմուծել էր ընդամենը 265 հազ. հատ ձու, իսկ 2008-ին՝ 1,4 մլն հատ։

Ձվի արտադրությունը 2010 թ. ունեցել է աճի միտում։ Արտադրվել է 719 մլն հատ ձու, որը 14 տոկոսով գերազանցում է նախորդ տարվա ցուցանիշը։

Հետաքրքիր է, որ 2010 թ. Հայաստանը նաեւ ձու է արտահանել՝ 2,7 մլն հատ։ Աակայն այդ արտահանումները տեղի են ունեցել մինչեւ չորրորդ եռամսյակը, ուստի տարեւերջյան գնային շոկի վրա էական ազդեցություն թողնել չէին կարող։